:حلقة جديدة

عم لاحظ انه في ناس بالوطن العربي، خصوصا بمنطقة بلاد الشام، مع الحرية وضد الانظمة القمعية بشراسة! كمان عم لاحظ انه نفس .الناس ما عندهم مشكلة مع قمع انظمة عربية اذا كان جاي القمع مع رزمة وراق خضر

 عم استنتج من كل هالملاحظات انه هول الناس ما عندهم مشكلة مع القمع كقمع. في مبدأ بالموضوع. هني ضد القمع على الناشف. 

اما اذا كان القمع بنكهة البترودولار بصير قمع مستحب والكل بيكل خيار. وجل من لا يخطأ يا اخي بكل البلدان بصير تجاوزات، انت ليش عينك ضيقة.

 المشكلة خيي انه من كتر الصهينة، عيني ما عدت تشوف شي منيح. كنت مفكر انه القمع قمع كله قبيح. بس طلع قمع الشام غير قمع الخليج.

 هيدا الشاب اللي فات ٣٠ سنة حبس كرمال تغريد على الاجتماعي انتقد فيها نظام الامارة هاي مش قمع يا زلمي. هاي ساعدة ورفاه اجتماعي.

 بعدين اذا فات على الحبس ٣٠ سنة ما هني الحبوس عندهم متل الاوتيلات. شو بد النضافة، الاحترام، الوجبات السخنة، وحتى انهم بيسمحوا للمحابيس بالدراسة الجامعية.

 عم تحكي عن القمع؟ ما شفت هيداك شو كان عامل بشعبه؟

 بالحبس في مكبس بيكبسوه الواحد فيه. بيرجعوا بيرموا بمرطبان وبرشوا عليه شوي ملح وزيت وبضبوه عالتتخيتة لصير كبيس. شو عم تحكي يا زلمي! الله اكبر عليه شو كان عامل بشعبه.  

عم تصادف ديما انه هالناس الي ضد القمع ببلاش هني كمان ضد اي عمل مقاومة او اي حركة مقاومة نازلة نتف بالصهاينة الاوباش. وكيف ما برمت وجي بلاقيهم قاعدين عم بفقوا بزر بنفس الخندق مع الامركان. ما هني بالوسط ودعاة سلام واستسلام!

ما بعرف خيي. خلاص تركني من الحرية والقمع والسلام. ما عادت تعنيلي شي هالمصطلحات. سماع منيح وخليني خبرك شو صار:

غزة غربلت الكل فا ما ضل حدا

غزة غربلت الكل فا ما ضل حدا

غزة غربلت الكل فا ما ضل حدا